Indýstrııalandyrýdyń ekinshi besjyldyǵyna tujyrymdama jobasy 1 qarashaǵa deıin ázirlenedi - Á. Isekeshev
Búgin ótken vedomstvonyń alqa májilisinde QR Premer-Mınıstriniń orynbasary-Indýstrııa jáne jańa tehnologııalar mınıstri Áset Isekeshev osylaı málim etti.
Alqa qorytyndysy boıynsha, Áset Isekeshev Memleket basshysynyń tapsyrmalaryn eskere otyryp, mınıstrliktiń jyl sońyna deıingi birqatar mindetterin belgiledi. Atap aıtqanda, mınıstr Indýstrııalandyrý kartasy aıasynda aǵymdaǵy jyldyń ekinshi jartyjyldyǵyna josparlanǵan jobalardy ýaqtyly iske qosý jáne paıdalanýǵa berilgen nysandardyń josparly qýatty ıgerýi boıynsha sharalar qabyldaýdy qaperge saldy. «Ekinshiden, Memleket basshysynyń tapsyrmasyna sáıkes 2013 jyldyń 1 qarashasyna deıin ındýstrııalyq-ınnovatsııalyq damýdyń nemese jańa ındýstrııalandyrýdyń ekinshi besjyldyǵy Tujyrymdama jobasyn ázirleý qajet. Úshinshiden, ónerkásip ósýin qamtamasyz etý. Osyǵan oraı, Ónerkásip komıtetine josparly kórsetkishterge qol jetkizý boıynsha sharalardy qabyldaý jáne 2013 jyldyń sońyna deıin júıe quraýshy kásiporyndarǵa taldaý júrgizý tapsyrylady. Biz Elbasy qoıǵan mindetterdi ýaqtyly jáne sapaly oryndaýǵa, sondaı-aq mınıstrlik basqaratyn salalardaǵy josparly kórsetkishterge qol jetkizý úshin barlyq sharalardy qabyldaýǵa tıispiz», - dedi jıyndy qorytyndylaǵan Á. Isekeshev.
