Indýstrııalandyrýdyń ekinshi besjyldyǵyna 6,6 trln. teńge qajet

ASTANA. QazAqparat - Indýstrııalandyrý baǵdarlamasynyń ekinshi besjyldyǵyna 6,6 trln. teńge qajet. Bul týraly búgin QR Prezıdenti janyndaǵy Ortalyq kommýnıkatsııalar qyzmetinde ótken brıfıngte «Báıterek» UBH» AQ basqarmasynyń tóraǵasy Qýandyq Bıshimbaev málim etti.

Onyń sózine qaraǵanda, «Báıterek» holdıngi memlekettik baǵdarlamany júzege asyrýda negizgi qarjy agenti retinde aıqyndalǵan. Óz kezeginde holdıng ekinshi besjyldyqtyń qarjylyq kólemin ótken jyldyń kúzinde naqtylap qoıǵan.

«Sol ýaqytta ÚIID memlekettik baǵdarlamasyn júzege asyrýdy jalpy baǵalaý aldaǵy besjyldyqqa 7 trln. teńge deńgeıinde belgilengen edi. Búgin túrli talqylaýlardan keıingi strategııada qarjylyq resýrstyń qajetti deńgeıi shamamen 6,6 trln. teńge kóleminde belgilendi», - dedi basqarma tóraǵasy.

Onyń atap ótýinshe, bul qarjynyń barlyǵy birdeı memlekettik bıýdjetten alynbaıdy. «Memlekettik qoldaýǵa berilgen bir teńgemen memlekettik ınvestıtsııanyń arqasynda biz 3-3,3 teńge deńgeıinde jeke, sonymen birge sheteldik qarjy tarta alamyz dep oılaımyn», dedi Q.Bıshimbaev.