Indýstrııalandyrýdyń basymdyqty salalaryn shekteý qajet - Elbasy

ASTANA. 10 qyrkúıek. QazAqparat - Indýstrııalandyrýdyń basymdyqty salalaryn shekteý qajet. Bul týraly búgin «Eýrazııa HHІ ǵasyrda: Jańarý arqyly jetekshilik» taqyrybynda Damýshy naryqtardyń ІІ Eýrazııalyq forýmynda QR Prezıdenti Nursultan Nazarbaev málim etti.

«Óndiristi solǵyn tarttyratyn salalardan bas tarta otyryp, aǵymdaǵy ındýstrıaldy saıasatty ońtaılandyrý qajet. Biz 4 jyl ındýstrıaldy baǵdarlamany júzege asyrýdamyz. Júzdegen jańa kásiporyndar iske qosýdamyz. 1,5 mıllonnan astam jańa jumys oryndary quryldy. Biraq Qazaqstanda ne salyp, neni damytýymyz kerek? Bir mezgil toqtap, sony qaraýymyz qajet», - dedi N.Nazarbaev.

Osy oraıda Memleket basshysy basymdyqty salalardy shektep, joǵary tehnologııalyq salaǵa baǵdarlaný mańyzdy ekendigin basa aıtty.

«Bul, máselen, taza energetıka, robototehnıka, nanotehnologııa, aeroǵarysh ónerkásibi, gendik ınjenerııa. Jalpy aıtqanda, úshinshi ındýstrıaldy revolıýtsııaǵa kóshý barysynda barlyq damyǵan memleketter aınalysyp otyrǵan salalar», - dedi Elbasy.