Indýstrııalandyrýdyń alǵashqy besjyldyǵynda Qazaqstanda shyǵarylatyn medıtsınalyq ónimder kórsetkishi úsh esege artty
Máselen, Indýstrııalandyrýdyń alǵashqy jylynda Elbasy N. Nazarbaev Qazaqstanǵa 800 mln. dollarǵa álemniń ár túkpirinen dáriler ákelinetini týraly másele kóterip, dári-dármektiń keminde 50 paıyzyn memlekette óndirý tapsyrmasyn júktegen bolatyn. Al alǵashqy besjyldyq ishinde Qazaqstanda shyǵarylatyn medıtsınalyq, farmatsevtıkalyq ónimder túri 500 birlikke artyp, shyǵarylatyn ónimder kórsetkishi úsh esege kóbeıdi. ıAǵnı, Elbasy júktegen tapsyrma qazirdiń ózinde 50 paıyzǵa oryndalyp otyr.
Sonymen qatar, ındýstrııalandyrý saıasaty arqasynda aýyl sharýashylyǵy salasy da josparly túrde damyp kele jatyr. Atap aıtqanda, agroqurylymda 2010 jylmen salystyrǵanda iri qara mal basynyń sany 50 paıyzǵa artqan. Al ónerkásip jylyjaılarynyń alańy osy jyldar ishinde 3 esege ósken. Sonymen qatar, aýyl sharýashylyǵynyń ónimin óndirýdi qoldaý arqasynda Qazaqstannyń ishki naryǵy otandyq ónimmen 80 paıyzǵa deıin qamtamasyz etildi.
