Indýstrııalandyrý: Jambylda jylyna 30 mln dana kirpish shyǵaratyn zaýyt bar
Aıta keteıik, «Eldiń jańa ındýstrııalanýy: qazaqstandyq barystyń qadamy» jalpy ulttyq telekópiri barysynda Memleket basshysy Nursultan Nazarbaev 25 ındýstrııaldy nysan qatarynda Jambyl oblysyndaǵy granıt, mármár jáne gıps óńdeıtin jáne óndiretin «Orgstroı» JShS-in iske qosqan bolatyn. Kásiporyn blok qazbalarynyń jarylysynsyz jańa tehnologııalar boıynsha granıt óndirý isin jetildirdi.
Joba quny 1,7 mlrd teńge, jobalyq qýattylyǵy granıtti bloktyń 20 myń tekshe metrin jáne 500 myń sharshy metr granıt ónimin quraıdy. Ónim Qazaqstannan bólek Reseı jáne TMD elderine shyǵarylmaq. Qurylys kezinde 210, paıdalanýǵa berilgennen keıin 150 turaqty jumys oryny quryldy.
Oblystyq ákimdik málimetinshe, qazirgi tańdaǵy Jambyl oblysynyń ónerkásip salasyndaǵy ekonomıka ósiminiń negizgi tetikteri hımııalyq, metallýrgııalyq, tamaq ónerkásibi jáne qurylys ındýstrııasy bolyp otyr.
Sońǵy jyldary aımaqtyń qurylys ındýstrııasyndaǵy óndiris kólemi aıtarlyqtaı ósti. Buǵan 2005-2014 jyldarǵa qabyldanǵan qurylys materıaldary ónerkásibin damytý baǵdarlamasy múmkindik týǵyzdy.
Osy baǵdarlama aıasynda qýattylyǵy jylyna 30 mln dana kirpish shyǵaratyn («Qurylys - KSM» JShS), qýattylyǵy jylyna 9,4 myń tekshe metr temirbetondy buıymdar óndiretin («Keramık-Invest» JShS) zaýyttar paıdalanýǵa berilip, qazirgi ýaqytta jumysyn júrgizip jatyr.
«Jambylgıps» JAQ-ynda zamanaýı qurylys ónimderi óndirisi ıgerildi - gıpsopolımer, kafel jelimi jáne qýattylyǵy jylyna 8 myń tonnaǵa jetetin qurylys gıpsi, «Qurylys konstrýktsııalarynyń zaýyty» JShS metaldy konstrýktsııalar men tehnologııalyq qubyr jelileri toraptaryn daıyndaýmen aınalysady. Qarataý qalasynda tsement zaýyty jumys isteıdi («Ońtústik-Tsement» JShS). Qordaı aýdanynda ák zaýyty («SST» JShS) men lak jáne boıaý shyǵarý tsehy iske qosyldy.
Qazirgi ýaqytta aımaqtyń qurylys ındýstrııasy salasynda eki iri tsement zaýyty jumys istep tur. Olar Myńaral (2016 jyly - 16,5 mlrd teńgege 1,3 mln tonna tsement óndirildi) jáne Hantaý (1,6 mlrd teńgege 232 myń tonna) zaýyttary. Myńaral tsementi halyqaralyq Batys Eýropa - Batys Qytaı magıstraliniń qurylysyna paıdalanyldy.
Sondaı-aq, gıps óndirý boıynsha tabysty kásiporyndar qatarynda «Jambylgıps» (20116 jyly 694,3 mln teńgege 26,5 myń tonna gıps) jáne «Aqtas» (1,9 mlrd teńgege 705 myń tonna áktas) bar. Nemis tehnologııasymen materıaldar shyǵaratyn «Bınom Stroı Detal» JShS úı qurylysy kombınaty iske qosyldy. Bul kombınat ónimderiniń qoljetimdi baǵada bolýymen jáne seısmıkalyq jaǵdaılarǵa tózimdiligimen erekshelenedi.
