INDÝSTRIıALANDYRÝ: ÚIID MB-nyń birinshi besjyldyǵy AEA-lardyń belsendi damýyna jol ashty

ASTANA. QazAqparat - ÚIIDMB-nyń birinshi besjyldyǵynda arnaıy ekonomıkalyq aımaq ınfraqurylymyna aldaǵy ótken 9 jylǵa qaraǵanda 2 ese artyq ınvestıtsııa salyndy. Bul týraly búgin Ortalyq kommýnıkatsııalar qyzmetindegi baspasóz máslıhatynda «KAZNEX INVEST» AQ Basqarma tóraǵasynyń orynbasary Almas Aıdarov málim etti.

ÚIIDB-nyń birinshi besjyldyǵyn júzege asyrý barysynda Qazaqstanda 4 jańa arnaıy ekonomıkalyq aımaq qurylǵanyn eske salyp ótken ol: «Búginde respýblıkada 10 AEA qyzmet etýde. Birinshi besjyldyq kezinde AEA-lar qomaqty qarjylyndyrylyp, bul óz kezeginde olardyń belsendi damýyna jol ashty», - dedi.

Osy oraıda atalǵan aımaqtarda ınvestorlardyń belsendiligi artqandyǵyn baıqaýǵa bolady.

A.Aıdarovtyń aıtýynsha, jobalarǵa 336 mlrd. teńge tartylyp, osy oraıda bul kórsetkish 9 jyl burynǵydan 7,5 esege artyq boldy. Óndiris kólemi 5 esege artyp, 677,7 mlrd. teńgege jetti. Sonymen qatar qurylǵan jumys oryndary 8 myńǵa jýyqtady.

«Jalpy AEA-tardy damytý kezeń-kezeńimen júrip jatyr. Qazirgi kezde júzege asyrylǵan 126 jobanyń 111-i jobalyq qýattylyǵy boıynsha 50 paıyzdan asty», - dedi ol.

A.Aıdarovtyń sózine qaraǵanda, jaqyn arada jalpy somasy 2,3 trln. teńgeniń 50 jobasyn paıdalanýǵa berý josparlanyp otyr. Osy turǵyda qosymsha 17 myń turaqty jumys orny qurylady.