Indýstrııalandyrý kartasynyń jobasy aıasynda eki myń adam jumyspen qamtylady - SQO ákimi
ASTANA. 6 jeltoqsan. QazAqparat - Indýstrııalandyrý kartasy aıasynda óńirde 41,5 mıllıard teńgeniń 30 jobasy júzege asyrylýda.
Bul týraly búgin QR Prezıdenti janyndaǵy Ortalyq kommýnıkatsııalar qyzmetindegi baspasóz máslıhatynda Soltústik Qazaqstan oblysynyń ákimi Samat Eskendirov málim etti.
Onyń sózine qaraǵanda, Indýstrııalandyrý kartasyndaǵy jobalar sheńberinde eki myńǵa jýyq adam jumyspen qamtylady.
«Búginde 26 mıllıard teńgeniń 26 jobasy iske qosylyp, 800 myń jańa jumys oryndary quryldy»,- dedi ol.
Oblysta Ortalyq Azııadaǵy eń iri sút ónimderi zaýyty salyndy. Onyń óniminiń 70 paıyzy eksportqa negizdelgen.
