Indýstrııalandyrý kartasynyń jobalary 600 mlrd. teńgeniń ónimderin shyǵardy

ASTANA. 2 mamyr. QazAqparat - Indýstrııa jáne jańa tehnologııalar mınıstrliginiń baspasóz qyzmetiniń taratqan aqparatyna sáıkes,  Indýstrııalandyrý kartasynyń 2011 jyly iske qosylǵan jobalary 600 mlrd. astam teńgeniń taýarlaryn óndirip, qyzmetterin kórsetti.

Bul týraly Pm.kz saıtynda habarlanǵan.

Vedomstvonyń aqparaty boıynsha, Karta aıasynda iske qosylǵan jobalardyń jalpy ónerkásiptegi úlesi 3,2 paıyzdy qurap otyr, onyń ishinde óńdeýshi ónerkásiptegi úlesi - 5,3 paıyz. Búgingi tańda Kartanyń barlyq jobasy boıynsha 3,2 trln. teńge (33 paıyz) qarjy ıgerilip boldy.

Indýstrııalandyrý kartasyna jalpy quny 9,6 trln. teńge somanyń 609 jobasy kiredi. Jáne olar qurylys kezinde 250 myńnan astam jumys ornyn qurýǵa múmkindik berse, paıdalanýǵa berilgennen keıin 180 myń jumys ornyn qamtıtyn bolady.

2010-2011 jyldary INdýstrııalandyrý kartasynyń aıasynda jalpy somasy 1,8 trln. teńgeniń 389 jobasy iske qosyldy, 42 myńnan astam jańa jumys orny quryldy.

Іri jobalardyń qatarynda - Sharyndaǵy Moınaq GES-niń, Jetigen-Qorǵas temirjol jelisiniń, «Ózen-Túrkimenstanmen aradaǵy memlekettik shekara» jańa temirjol jelisiniń qurylysy bar.