Indýstrııalandyrý kartasyna engen jobalar aıyna 160 mlrd. teńgeniń ónimin shyǵarady
Vedomstvo aqparatyna qaraǵanda, ındýstrııalandyrý baǵdarlamasyn júzege asyrý jyldarynda 4 trln. teńge somasyna 936 joba iske qosylyp, 89 myń turaqty jumys orny ashylǵan. Tek aǵymdaǵy aǵymdaǵy jyldyń 1-shi jartyjyldyǵynda ǵana Indýstrııalandyrý kartasyna somasy 152 mlrd. teńge bolatyn 38 joba engizilip, 3,8 myńnan astam turaqty jumys orny qurylǵan.
«Jalpy, ındýstrııalandyrý baǵdarlamasy iske asyrylǵan merzimnen bastap iske qosylǵan jobalar boıynsha somasy 7 trln. teńge bolatyn ónim óndirildi. Onyń 1,3 trln. teńgesi 2016 jyldyń 8 aıyna tıesili. Ortasha eseppen Karta jobalary aı saıyn shamamen 160 mlrd. teńgeniń ónimin óndiredi», - delingen resmı jaýapta.
Sonymen qatar mınıstrlik aqparatyna sáıkes, 2015 jylǵy ІJÓ-niń úshten bir bóligi Indýstrııalandyrý kartasy jobalary esebinen alynǵan. Munan bólek, 2010-2015 jyldar ishinde Indýstrııalandyrý kartasy aıasynda engizilgen jobalardyń eksport ónimderiniń kólemi 1,5 trln. teńgeni qurap otyr.