Indýstrııalandyrý kartasy sheńberinde Qazaqstanda buryn shyǵarylmaǵan 106 ónim ıgerildi

ASTANA.  4 maýsym. QazAqparat -  Indýstrııalanldyrý kartasyna engizilgen jobalardyń jalpy ishki ónimdegi úlesi 1,18 paıyzdy qurady. Bul týraly búgin Májilistegi Úkimet saǵatynda Indýstrııa jáne jańa tehnologııalar mınıstri Áset Isekeshev málim etti.

Mınıstrdiń aıtýynsha, ónerkásiptiń jalpy kólemindegi shyǵarylǵan taýarlar men qyzmetteriniń úlesi 7,3 paıyzdy qurasa, onyń ishinde óńdeýshi ónerkásiptegi úles 12,8 paıyzǵa jetken.

«150 joba 70 paıyzdan astam qýattylyq deńgeıine kóterildi. Jalpy, jobalardy iske qosý kezeńinen bastap, onyń jobalyq qýattylyqqa shyǵý kezeńi belgili bir ýaqytty talap etetinin atap ótý qajet»,-dedi Á. Isekeshev.

Mınıstrdiń aıtýynsha, ındýstrııalandyrý kartasy sheńberinde Qazaqstanda buryn shyǵarylmaǵan 106 ónim ıgerilgen. Bulardyń arasynda gaz aıdaý agregattaryna arnalǵan týrbınalyq jáne kompressorlyq qalaqshalar, metall-plastıkalyq qubyrlar, ushaqtarǵa arnalǵan sıntetıkalyq jýý quraldary jáne basqalary bar.