Indýstrııalandyrý kartasy boıynsha iske qosylǵan jobalardyń shyǵarǵan ónimderi 300 mlrd. teńgeden astam

ASTANA. 3 shilde. QazAqparat - Aǵymdaǵy jyldyń 1 jartyjyldyǵynda Indýstrııalandyrý kartasy aıasynda iske qosylǵan jobalardyń shyǵarǵan ónimderi  300 mlrd. teńgeden astamdy quraıdy.

Bul týraly búgin BAQ ókilderine QR Indýstrııa jáne jańa tehnologııalar vıtse-mınıstri Albert Raý málim etti.

«Tolyqtaı alǵanda búgin 2,5 jyl ishindegi ındýstrııalandyrý boıynsha atqarylǵan jumystardyń qorytyndysy shyǵarylady. 2,5 jyl ishinde Indýstrııalandyrý kartasy aıasynda iske qosylǵan jobalar aǵymdaǵy jyldyń birinshi jartyjyldyǵynda 300 mlrd. teńgeniń ónimin shyǵardy. Bul 2 mlrd. dollardy quraıdy. Aıta keterligi, bul bizdiń ishki jalpy ónimge qosylǵan aıtarlyqtaı mol ústeme»», - dedi ol.

Vıtse-mınıstrdiń sózine qaraǵanda, aǵymdaǵy jyly shamamen 200 joba iske qosylsa, onyń 50-i birinshi jartyjyldyqta-aq óz jumysyn bastaıdy.