Indýstrııalandyrý kartasy boıynsha 20 farmatsevtıkalyq kásiporyn salynady
dep habarlady Densaýlyq saqtaý mınıstrliginen Pm.kz saıtyna.
Indýstrııalandyrý kartasynyń aıasynda 20 farmatsevtıkalyq kásiporyn salý jáne qoldanystaǵy óndiristerdi jańǵyrtý josparlanyp otyr. 2010 jyly - 6 ınvestıtsııalyq joba, 2011 jyly - 6 ınvestıtsııalyq joba iske asyryldy. Aldaǵy úshjyldyq kezeńde 17 ınvestıtsııalyq jobany iske asyrý josparlanyp otyr.
Oǵan qosa, farmatsevtıkalyq ónerkásip kásiporyndaryna «Laıyqty óndiristik tájirıbe» (GMP) halyqaralyq sapa standarttaryn engizý jumystary júrgizilýde. 2011 jyly otandyq eki kásiporynǵa: «Nobel AFF» (qatty dárilik zattar tsehy) men «Hımfarm» (jaqpa maı) aktsıonerlik qoǵamdaryna GMP sertıfıkattary berildi.
Oǵan qosa, farmatsevtıkalyq jáne medıtsınalyq ónimderdi ımporttyq almastyrýǵa jaǵdaı jasalýda. Elimizdegi jalǵyz dıstrıbıýter «SK-Farmatsııa» JShS otandyq 12 farmatsevtıkalyq kásiporynmen («Hımfarm», «Nobel AFF», «Global Nıý Laıf», «Qaraǵandy farmatsevtıkalyq keshen», «Pavlodar farmatsevtıkalyq zaýyt», «Romat» farmatsevtıkalyq kompanııa», «Brando», «Medıkal Farm Cha-Kýr», «BırýnıFarm», «Sýper Farm», «Almerek», «Dolce») uzaqmerzimdik kelisimshart jasap otyr. 2011 jyly otandyq óndirýshilerden medıtsınalyq tehnıkalardy memlekettik satyp alý uıymdastyryldy jáne Medıtsınalyq tehnıka lızıngin ári qaraı damytý jónindegi tujyrymdama jasaldy.
«Atalmysh sharalar elimizdiń dárilik preparattarǵa degen suranysyn otandyq óndiristerdiń esebinen qanaǵattandyrý kórsetkishin 2014 jylǵa deıin 50 paıyzǵa jetkizýge múmkindik beretin bolady», - delingen Densaýlyq saqtaý mınıstrliginiń habarlamasynda.
