Indýstrııalandyrý kartasy aıasynda iske qosylǵan 20 joba toqtap tur
«2016 jylǵy 1-shi jartyjyldyq qortyndysy boıynsha Indýstrııalandyrý kartasy jobalarynyń 70 paıyzy (600 jobadan astam) jospar boıynsha jumys isteıdi, 20 joba toqtap tur. Bul iske qosylǵan barlyq jobalardyń 2 paıyzy. Jobalardyń toqtap turýyna naryqtyń azaıýy, aınalym qarajattarynyń bolmaýy, óndirilgen ónimniń baǵasynyń qubylmalylyǵy syndy jaıttar basty sebep bolýda»,- delingen mınıstrlik jaýabynda.
Vedomstvo aqparatyna sáıkes, toqtap turǵan 20 joba ishinen tek 10 jobaǵa sýbsıdııalaý, paıyzdyq mólsherlemeler, «TDJUA» AQ ınnovatsııalyq granttary, ÁKK qarjylandyrýlary, «QDB» AQ kredıtteý jelileri sııaqty memlekettik qoldaý túrleri kórsetilýde.
Degenmen, mınıstrlik barlyq jobalar boıynsha olardy qalpyna keltirý jumystary júrgizilip jatqanyn, nátıjeli qalpyna keltirilgen jobalar da bar ekendigin atap ótken.
«Barlyǵyna belgili Qaraǵandy kremnıı zaýyty (Sılıtsıým) ındýstrııalandyrý baǵdarlamasy bastalǵanǵa deıin, ıaǵnı, 2010 jyly óndiriske qosyldy. Biraq, 2013 jyly kásiporyn toqtap qaldy. Qaıta iske qosý úshin ınvestor retinde «Taý-Ken Samuryq» UTK» tartylyp, bir jyldan keıin kásiporyn qaıta ónim óndirýdi bastady. 2015 jyly 11 myń tonnadan astam ónim óndirildi. Taǵy bir mysal, «QDB» AQ qarjylandyrǵan «Azııa Keramık» JShS keramogranıt óndirisi 2011 jyly toqtap qalǵan edi. Joba «QIQ» AQ-qa berilip, jańa ınvestor retinde «Zerde» ǴÓB» JShS tabylyp, zaýyttyń jumysy 2015 jylǵy mamyrda qaıta jańǵyrtyldy»,- delingen aqparatta.