Indýstrııalandyrý kartasy aıasynda birinshi jartyjyldyqta 72 mlrd. teńgeni quraıtyn 34 joba iske qosyldy- S. Ahmetov
Búgin Aqordada QR Prezıdenti N. Nazarbaevtyń tóraǵalyǵymen ótip jatqan elimizdiń ótken 9 aıdaǵy áleýmettik ekonomıkalyq damýy jáne Úkimet jumysynyń negizgi nátıjeleri týraly jıynda QR Premer- Mınıstri Serik Ahmetov osylaı málim etti.
«Aǵymdaǵy jyly óz jumysynda Úkimet Elbasynyń «Qazaqstan-2050» strategııasy: Qalyptasqan memlekettiń jańa saıası» baǵyty atty Joldaýynda aıtylǵan tapsyrmalardy iske asyrýǵa basymdyq berdi. Birinshi kezekte ekonomıkanyń turaqty ósimin qamtamsyz etý men jańa jumys oryndaryn ashýǵa aıryqsha nazar aýdaryldy. Sizdiń tapsyrmańyz boıynsha daǵdarysqa qarsy der kezinde qabyldanǵan sharalar nátıjesinde elimizdiń áleýmettik ekonomıkalyq damýyndaǵy oń úrdis saqtalýda», dedi Serik Ahmetov.
Úkimet basshysynyń aıtýynsha, aǵymdaǵy jyly atqarýshy bılik Eýropalyq odaqtaǵy ekonomıkalyq retsessııamen baılanysty, AQSh-taǵy fıskaldy quldyraý táýekelderine, sonymen qatar Qytaı men Reseı ekonomıkasynyń baıaýlaýy aıasyndaǵy jalǵasyp kele jatqan álemdik ekonomıkadaǵy turaqsyzdyq jaǵdaıynda jumys istedi. Osynyń bári Qazaqstan ekonomıkasyna áserin tıgizip keledi. «Mundaı jaǵdaıda Siz júktegen mindetterdi tıimdi atqarý úshin Úkimet negizgi bes baǵytty qaperde ustady. Olardyń birinshisi - ekonomıkany ártaraptandyrý arqyly ornyqty ári uzaqmerzimdi ekonomıkalyq ósimdi saqtaý. Aǵymdaǵy jyly memlekettik ındýstrııalandyrý baǵdarlamasyn júzege asyrý jalǵasty. Indýstrııalandyrý kartasy aıasynda birinshi jartyjyldyqta 34 joba iske qosyldy. Ondaǵy ınvestıtsııa 72 mlrd. teńgeni qurap, 2300 shamasynda turaqty jumys oryndary quryldy», dedi S. Ahmetov.
