Indýstrııalandyrý kartasy aıasynda 9,6 trln. teńgeniń 609 jobasy iske asyrylýda - Á. Isekeshev
Bul týraly búgin bıylǵy 11 aıdyń qorytyndysyna negizdelgen Úkimet otyrysynda Premer-Mınıstrdiń orynbasary-Indýstrııa jáne jańa tehnologııalar mınıstri Áset Isekeshev málim etti.
«Indýstrııalandyrý kartasy aıasynda 9,6 trln. teńgeniń 609 jobasy iske asyrylýda. Osy arqyly 400 myńǵa jýyq jumys orny qurylady. Osynyń ishinde aýyldyq jerlerde 274 joba ornalasqan», - dedi ol.
Á. Isekeshevtiń sózine qaraǵanda, Indýstrııalandyrý kartasynyń jalpy kólemindegi 339 joba QR Indýstrııalandyrý jáne jańa tehnologııalar mınıstrliginiń qaraýyndaǵy salalarǵa qatysty.
Atap aıtqanda, Indýstrııalandyrý kartasy aıasynda eki jylda 1,8 trln. teńgeniń 389 jobasy iske qosyldy. Qýattylyǵy 50-100 paıyz aralyǵyndaǵy kórsetkishpen 70 kásiporyn turaqty jumysqa kiristi. 390 mlrd. teńgeniń ónimi shyǵarylyp, 106 jańa ónim ıgerildi. Olardyń arasynda kompozıtti metalplastıkalyq qubyrlar, energııa únemdegish quraldar, dárilik jáne basqa ónimder bar.
