Indýstrııalandyrý kartasy: Aqmola oblysynda 74 joba paıdalanýǵa berildi

KÓKShETAÝ. QazAqparat - Aqmola oblysynda Indýstrııalandyrý kartasy sheńberinde quny 160,5 mıllıard teńge 74 joba paıdalanýǵa berildi, dep habarlaıdy QazAqparat tilshisi.

Aqmola oblysynyń ónerkásip jáne kásipkerlik basqarmasy basshysynyń orynbasary Aleksandr Zagrebınniń aıtýynsha, sońǵy jeti jylda iske qosylǵan jobalar óńirde 7 myńǵa jýyq jumys ornyn ashýǵa múmkindik berdi.

«Óńirde 2015-2019 jyldarǵa arnalǵan Indýstrııalandyrý kartasyna 90 joba engizilip otyr. Onyń ishinde eki joba «Qazatomónerkásiptiń birikken kúkirtqyshqyly zaýyty» jáne «Masaly taý ken kombınaty» jaýapkershiligi shekteýli seriktestikteri respýblıkalyq Indýstrııalandyrý kartasyna qosylǵan», - deıdi Aleksandr Zagrebın.

Jalpy, Indýstrııalandyrý aýyl sharýashylyǵy, qurylys, taý-ken, hımııa, jeńil ónerkásip, taǵam, farmatsevtıka, mashına qurylysy, energetıka jáne munaı óndeý tárizdi on kezeń boıynsha júzege asyrylýda.  Bıylǵy jyly oblys kásiporyndarymen quny 250,6 mıllıard teńgeniń ónimi óndirilip otyr.