Indýstrııalandyrý baǵdarlamasynyń birinshi besjyldyǵynda 2,5 trln. teńgeni quraıtyn 651 joba iske asyryldy

ASTANA. QazAqparat - Búgin Májiliste «Nur Otan» partııasy fraktsııasynyń keńeıtilgen otyrysy ótip, onda Údemeli ındýstrııalyq-ınnovatsııalyq damý baǵdarlamasynyń alǵashqy 5 jyldyq nátıjeleri jáne ekinshi bes jyldyq kezeńniń jospary talqylandy. Bul týraly Májilistiń baspasóz qyzmetinen habarlandy.

Jıynda QR Parlamenti Májilisi Tóraǵasynyń orynbasary, «Nur Otan» partııasy fraktsııasynyń jetekshisi Darıǵa Nazarbaeva ındýstrııalyq damý bizdiń elimizdiń turaqty ekonomıkalyq ósýiniń negizi ekenin atap ótti.

Budan bólek, taqyryp tóńireginde Premer-Mınıstrdiń orynbasary - Indýstrııa jáne jańa tehnologııalar mınıstri Áset Isekeshev baıandama jasady. Onyń aıtýynsha, Údemeli ındýstrııalyq-ınnovatsııalyq damý baǵdarlamasy jańa ındýstrıaldy saıasattyń negizin qalady. «Atalǵan merzim ishinde 2,5 trln.teńge kóleminde 651 joba iske asyryldy. 250 myńnan astam jumys orny ashyldy. Baǵdarlamanyń ekenshi kezeńinde jemisti jumys óz jalǵasyn taýyp, jańa tabystarǵa qol jetkizilmek», - dedi mınıstr. Halyq qalaýlylary birinshi kezeń barysynda oryn alǵan olqylyqtardy atap kórsete otyryp, ol aldaǵy ýaqytta sabaq bolýy kerektigin eskertti. Sonymen qatar depýtattar baǵdarlamanyń ekinshi kezeńin zańnamalyq qamtamasyz etý máselelerin qozǵap, naqty usynystaryn jetkizdi.