Indýstrııalandyrý baǵdarlamasynyń aıasynda jalpy qýaty 2940 MVt jańa energonysandar iske qosylady
Indýstrııalandyrý kartasynyń aıasynda jalpy qýaty 2940 MVt energetıkalyq nysandary iske qosylady dep josparlanýda. Qazirgi tańda 580 MVt qýat iske qosyldy, dep habarlady pm.kz saıty.
Indýstrııa jáne jańa tehnologııalar mınıstrliginiń aldyn ala boljamyna sáıkes, 2030 jylǵa qaraı elimizdegi energııa tutynymy 170 mlrd. kVt/saǵatty quraıtyn bolady, osyǵan oraı energııa tapshylyǵyn azaıtý ÚIID baǵdarlamasynyń mańyzdy jáne basymdyqty baǵyty bolyp otyr. Energııa únemdeý baǵytynda iske asyrylyp jatqan saıasat elektr qýatynyń tutynymyn 145 mlrd. kVt/saǵatqa deıin qysqartýǵa múmkindik beredi.
Indýstrııalandyrý kartasynyń aıasynda buǵan qosa birqatar iri ınvestıtsııalyq nysandardy iske qosý josparlanyp otyr. Ol nysandar elimizdi energııamen úzdiksiz qamtamasyz etý úshin qajet, sondyqtan da alǵa qoıylǵan mindetterdi iske asyrýda energetıka mańyzdy ról atqarýy kerek.
Aıta ketý kerek, osy suranysty qamtamasyz etý úshin shekti tarıfter belgileý jańa tetiginiń aıasynda 2009 jyldan 2015 jylǵa deıin 1 trln. astam teńge ınvestıtsııa salynady. Іske qosylatyn jalpy qýat kózi 2940 MVt quraıtyn bolady, qazirgi tańda 580 MVt iske qosyldy.
Qýaty 1320 MVt quraıtyn Balqash JES-i, qýaty 300 MVt quraıtyn Moınaq GES-i sııaqty negizgi energetıkalyq nysandarǵa basymdyq jasalyp otyr, oǵan qosa Soltústik Qazaqstannyń iri kómir elektr stansalarynda, Ekibastuz GRES-1 jáne Aqsý GRES stansalarynda qýaty 875 MVt energobloktar qaıta qalpyna keltiriletin bolady. 3 shildede ótken Indýstrııalyq forýmda Ekibastuz GRES-1 stansasynyń №8 energoblogy iske qosyldy.
«Áleýmettik-ekonomıkalyq jańǵyrtý - Qazaqstan damýynyń basty baǵyty» atty Joldaýynda Elbasy N.Nazarbaev Úkimetke aǵymdaǵy jyly qýaty 1320 MVt Balqash JES-nyń birinshi modýliniń qurylysyn bastaý týraly tapsyrma berdi. «Samuryq-Energo» AQ-nyń aqparaty boıynsha, І modýldiń qurylysyn jobalaý jumystary 2012 jyldyń shilde aıynda bastalsa, qurylys jumystaryn osy jyldyń qyrkúıek aıynda bastaý josparlanyp otyr.
Belgilenip otyrǵan mindetterdi iske asyrý respýblıka óńirlerin energııa qýatymen senimdi qamtamasyz etýge, energııa defıtsıtin tómendetýge jáne energetıka salasyn ınvestıtsııa úshin eń tartymdy naryqqa aınaldyrýǵa múmkindik beredi.
