Indýstrııalandyrý baǵdarlamasyndaǵy ınvestıtsııa tartý máselesi asa mańyzdy shara bolyp otyr
Bul týraly QR Parlamenti Májilisinde «Eldiń údemeli ındýstrııalyq-ınnovatsııalyq damýynyń 2010-2014 jyldarǵa arnalǵan baǵdarlamasy týraly» degen taqyrypta ótken Úkimet saǵatynda Premer-Mınıstrdiń orynbasary - Indýstrııa jáne jańa tehnologııalar mınıstri Áset Isekeshov málim etti, dep habarlaıdy QazAqparat.
«Keden Odaǵy Qazaqstan ınvestıtsııasy úshin úlken múmkindikter ashady. Óıtkeni, ınvestorlar buǵan deıin iri, metallýrgııalyq óndiristerge kelse, endi ótkizý naryǵynyń aýqymyna oraı bundaǵy múmkindikter de keńeıe túsedi. Árıne, Odaq aıasynda Qazaqstan bizdiń básekelesterimizge qaraǵanda ınvestorlar úshin asa tartymdy el bolyp qala berýi shart», dedi Á. Isekeshov.
Onyń paıymdaýynsha, Keden Odaǵy aıasyndaǵy elder ishinde Qazaqstannyń ınvestıtsııalyq tartymdylyǵynyń deńgeıi jaǵymdy bolyp otyr. «Birinshiden, ashyǵyn aıtqanda bizdiń salyqtyq júıemiz basqa eki elge qaraǵanda tómendeý. Ekinshiden, ákimshilik kedergilerge qatysty bizde jumys durys jolǵa qoıylǵan. Onyń ústine, Elbasynyń tapsyrmasyna sáıkes, bul shara áli de jalǵasýda. Sondyqtan da, biz Keden Odaǵy aıasynda kóp múmkindikterge ıek artamyz. Sonymen birge, ındýstrııalandyrý baǵdarlamasy bizdiń otandyq bıznestiń Keden Odaǵy aýmaǵynda básekelestigin arttyrýǵa baǵyttalady. Sol úshin de ındýstrııalandyrý baǵdarlamasyndaǵy ınvestıtsııa tartý máselesi asa mańyzdy shara bolyp otyr», dedi Premer-Mınıstrdiń orynbasary.
