Indýstrııalandyrý baǵdarlamasy jalpyhalyqtyq sıpat alýy kerek – Elbasy
Búgin Parlament palatalarynyń birlesken otyrysynda Qazaqstan halqyna arnaǵan Joldaýynda Memleket basshysy Nursultan Nazarbaev Úkimettiń aldyna osyndaı mindet qoıdy.
Prezıdent respýblıkanyń ábir turǵyny elimizdiń keń aýqymdy ınsdýstrııalandyrý sharalaryna qatysýlaryna múmkindik jasaý qajettigin atap kórsetti. «Kezinde men daǵdarysqa qarsy kúres baǵdarlamasy árbir qazaqstandyqty qamtý qajettigin eskertkenmin. Bul mindet sátimen júzege asty. Osy tájirıbeni paıdalana otyryp, qazir ındýstrııalızatsııalaý sharasyn shyn máninde jalpyhalyqtyq sıpat alatyndaı jaǵdaıǵa jetkizý qajet», - dedi Memleket basshysy.
Sondaı-aq Prezıdent elimizde eńbek naryǵynyń tıimdiligin arttyrý qajettigin eskertti. «Eńbek naryǵynyń tıimdiligin arttyrý qajet. Óıtkeni jańa ekonomıka jańa bilikti mamandardy qajet etip otyr. Jańa kásiporyndardy jańa mamandar jumys isteýleri kerek. Ózin-ózi jumyspen qamtýshylar bizdiń ekonomıkamyzdyń úlken rezervi. Biz jańa kásiporyndardy qazaqstandyqtar jumys istesin dep quryp otyrmyz. Sondyqtan qazaqstandyqtar osyǵan daıyn bolýlary tıis», - dedi N. Nazarbaev.
