Indýstrııalandyrý baǵdarlamasy túzetýdi talap etedi - N.Nazarbaev
«Indýstrııalandyrý baǵdarlamasynyń ekinshi besjyldyǵynyń basy álem ekonomıkasyndaǵy úlken máselelerdiń kórinis tabýymen tuspa-tus keldi. Bul problema, árıne, Qazaqstandy syrt aınalyp ótken joq. Bul bizdiń óndiris pen qazaqstandyqtardyń áleýetine áser etti. Aldymyzdan shyqqan jańa problemalar ındýstrııalandyrý baǵdarlamasyna biraz túzetý engizýdi talap etedi. Neni túzetý kerek?» - degen Elbasy eń birinshiden, Úkimetke eksportqa nazar salýdy tapsyrdy.
«Birinshiden. Ózimiz kórip otyrǵanymyzdaı, ekonomıka syrttan qatty qysym kórip otyr. Taýarlardyń baǵasy men suranys azaıdy. Sondyqtan, qazir bizdiń ekonomıkanyń ósimin qamtamasyz etetin jańa kózderin qalyptastyrý mańyzdy. Osyǵan baılanysty, aldaǵy jyldary Úkimettiń kúsh-jigeri birneshe eksportqa baǵyttalǵan salalarǵa nazar salý kerek»,-dedi Prezıdent.
Ol baǵyttyń biri óńdeýshi órnerkásip bolsa, ekinshi sala kólik salasy ekenin atap ótti N.Nazarbaev.
