Indýstrııalandyrý baǵdarlamasy tabysty júzege asqan jaǵdaıda 5 jyldyń ishinde Qazaqstan ekonomıkasy 30 paıyzǵa ósedi - N. Nazarbaev
Bul týraly búgin Aqordada Úkimet músheleriniń jáne ákimderdiń qatysýymen ótken ındýstrııalyq damýǵa qatysty keńeste Elbasy Nursultan Nazarbaev aıtty, dep habarlaıdy QazAqparat.
«Biz úlken jumystyń aldynda turmyz - ındýstrııaladyrý baǵdarlamasy júzege asyrylǵaly jatyr. Joldaý jarııalanǵannan beri bir aı ótti, osy aralyqta tıisti máseleler qaǵaz júzinde sheshildi, baǵdarlama qabyldandy, onyń mán-mańyzy halyqqa túsindirilip jatyr. Ár oblysta, aýdanda, qalada qandaı nysandar iske qosylatyny belgilendi. Eger biz baǵdarlamany oryndaıtyn bolsaq, bir jyldyń ishinde 25 myń turaqty jumys orny qurylady, 5 jyldyń ishinde ekonomıkamyz 30 paıyzǵa ósedi», dedi keńeste N. Nazarbaev.
Elbasy baǵdarlama halyqtyń ál-aýqatyn odan ári jaqsartýǵa baǵyttalǵanyn atap kórsetti. «Indýstrııalandyrý baǵdarlamasynyń sheńberinde jańa mamandyqtar paıda bolady, jastarymyz basqasha ómir súredi. Baǵdarlamany júzege asyrý bizdiń ortaq mindetimiz», dedi Memleket basshysy.
