Indýstrııalandyrý baǵdarlamasy aıasynda shıkizattyq emes sektorǵa 30 mlrd. dollar tartý qajet - Á. Isekeshev

yrkúıektiń 13-i. QazAqparat /Ernur Aqanbaı/ - Aldyn-ala esep-qısaptar Údemeli ındýstrııalyq-ınnovatsııalyq damý jónindegi baǵdarlama aıasynda aldaǵy tórt jylda shıkizattyq emes sektorǵa kem degende 30 mlrd. AQSh dollaryn tartýǵa bolady jáne tartý qajet. Bul týraly búgin selektorlyq formattaǵy Úkimet otyrysynda Premer-Mınıstrdiń orynbasary-Indýstrııa jáne jańa tehnologııalar mınıstri Áset Isekeshev aıtty.

Onyń sózine qaraǵanda, shıkizattyq emes sektorǵa sheteldik ınvestıtsııalardy tartýdyń áleýeti áli sarqyla qoıǵan joq. «Sheteldik ınvestıtsııalar óte mańyzdy. Sebebi, aqshamen birge ozyq tehnıkalar men menedjment keledi, sondaı-aq rynoktar ashylady», dedi ol. Bul rette mınıstr elimizge sheteldik ınvestıtsııalardy tartý múmkindigi baryn osy jyldar ishinde Almatydaǵy óńirlik qarjylyq ortalyq jaqsy tájirıbe jınaqtaǵanyn atap ótti. Islamdyq qarjylandyrýdy engizý máselesi ilgerilep, Dúnıejúzilik bankpen jáne basqa da qarjy ınstıtýttarymen belsendi jumystar jolǵa qoıyldy. Osy oraıda Á. Isekeshev Indýstrııa jáne jańa tehnologııalar mınıstrligi «Samuryq-Qazyna» qorymen jáne memlekettik organdarmen álemniń 21 elindegi sheteldik ınvestorlarmen 150 ınvestıtsııalyq joba boıynsha jumys júrgizip jatqannyn jetkizdi. «Deıturǵanmen, buny jetkiliksiz dep sanaımyz. Óńirdegi ınvestıtsııalyq hab bolý máselesin qoıý qajet. Sondyqtan da ótken aptada Ekonomıkany jańǵyrtý jónindegi memlekettik komıssııanyń otyrysynyń otyrysynda maquldanǵan Indýstrııalandyrý aıasynda ınvestıtsııa tartý jónindegi baǵdarlama óte mańyzdy bolyp tabylady», dedi ol.