Indýstrııalandyrý baǵdarlamasy aıasynda iske qosylǵan 1527 zaýyttyń tórteýi toqtap tur
Ortalyq kommýnıkatsııalar qyzmetinde ótken baspasóz máslıhatynda BAQ ókilderi qazaqstandyqtardyń Koreıa men Túrkııaǵa jumys izdep ketip jatqanyn aıta kelip, Indýstrııalandyrý baǵdarlamasy jumyssyzdyqty nege joıa almady degen saýal qoıdy.
«Sońǵy 10 jylda 212 myń jumys orny ashylǵan. Byltyr 18 myń jańa jumys orny quryldy. Bıylǵy 110 jobanyń sheńderinde 12,5 myń jańa jumys ornyn qurý josparlanyp otyr. ıAǵnı jumys oryndary bar. Bul rette másele biliktilikte bolýy múmkin. Qazir bizdegi mashına jasaý salasynyń 6 zaýytynda 720 jańa qyzmetker kerek bolyp otyr. «Atameken» ulttyq kásipkerler palatasy bul turǵyda jaqsy jumys istep, ár salaǵa mamandar daıarlap jatyr. Jalpy zaýyttar jabylyp qalǵan joq. Biz aıtqan 212 myń jumys orny turaqty istep tur», - dedi komıtet basshysy.
Marat Qarabaev qazir toqtap turǵan 4 zaýyttyń bári baǵdarlamanyń birinshi kezeńinde qoldanysqa berilgenin eskertti.
«Indýstrııalandyrý baǵdarlamasy eki kezeńge bólinedi. Ekinshi kezeńde salynǵan zaýyttardyń bir de bireýi jabylǵan joq. Al birinshi kezeńde salynǵan zaýyttardyń jeteýimen problema bolǵan. Sonyń úsheýi qaıtadan tolyq iske qosyldy», - deıdi maman.
Onyń biri – Aqmola oblysyndaǵy sırek metaldar óndiretin zaýyt. Bul zaýytqa basqa ınvestor tartyp, qaıta iske qosylǵan. Ekinshi zaýyt – Qostanaı oblysynda taýyq etin qaıta óńdeýi kerek bolǵan. Byltyr 100 myńnan astam shóje alyp, bıyl sony qaıta óńdeýge daıyndalyp jatyr. Úshinshisi –Pavlodardaǵy altyn óndiretin zaýyt. 2013-2014 jyldary turyp qaldy. Keıin basqa ınvestor satyp alyp, 2015 jyldan bastap turaqty jumys istep kele jatyr.
«Al qazir 10 jylda iske asyrylǵan 1527 jobanyń arasynda tórteýi toqtap tur. Bireýi – Aqtóbe oblysyndaǵy hımııalyq óndiris zaýyty. Bul jerde eki quryltaıshynyń arasynda kelispeýshilik bolǵan. Qazir Izraıl kompanııasymen kelissóz júrip jatyr. Sol ınvestor kirgeli jatyr. Al Qaraǵandy oblysynda telekommýnıkatsııalyq kabel shyǵaratyn zaýyt iske qosylyp, keıin toqtap qaldy. Aınalym qarajatyn «Sberbankten» alyp, nesıesin tóleı almaǵandyqtan turalaǵan. Oǵan qazir memleket «Qazyna Kapıtal menedjment» kompanııasy arqyly qoldaý kórsetpekshi. Bul uıym zaýyttyń quryltaıshysy retinde kirip, qaryzdan qutqarady. Zaýyt bank aldyndaǵy mindettemesin oryndaǵannan keıin ıesine qaıtarylady. ıAǵnı ol da qaıta iske qosylady», - dedi vedomstvo basshysy.
Komıtet tóraǵasy Batys Qazaqstan oblysyndaǵy turalap qalǵan zaýyttarǵa da toqtaldy.
«Batys Qazaqstanda jıhaz óndiretin jáne et óńdeý zaýyttary bolǵan. Et óńdeýshi zaýyt bankrotqa ushyraǵan. Qazir oǵan basqa ınvestor kirmekshi. Al jıhaz zaýytynyń aınalym qarjysy bolmaı qalǵan. Qazir «Damý» birge jumys istep jatyr. Ekinshi deńgeıli bankten aınalym qarjy alsa, «Damý» 85 paıyz kepildik beredi. Sonda 1527 jobanyń ishinde 4 zaýyt degen 0,3 paıyzdan tómen bolady. Olardy da aldaǵy ýaqytta qosamyz», - dedi Marat Qarabaev.
