Indýstrııalandyrý baǵdarlamasy: 212 myń jumys orny ashyldy
«2010 jyldan beri Indýstrııalandyrý baǵdarlamasynyń aıasynda 1527 joba iske qosylǵan. 500-deı jańa taýarlardyń óndirisi jolǵa qoıyldy. Atap aıtsaq, Aqtóbede temirjol relsteri, Kentaýda transformator shyǵaratyn 4 zaýyt ashyldy. Avtobýstar men avtomobılder shyǵaratyn kásiporyndar salynyp, kıim jáne kilem ónidirisi damydy», - dedi «QazIndustry» qazaqstandyq ındýstrııa jáne eksport ortalyǵy» AQ basqarma tóraǵasy Berik Bekenov Ortalyq kommýnıkatsııalar qyzmetinde ótken baspasóz máslıhatynda.
Indýstrııalyq damý komıtetiniń tóraǵasy Marat Qarabaevtyń aıtýynsha, byltyr ındýstrııalandyrý baǵdarlamasynyń aıasynda ashylǵan óndiris oshaqtary jalpy óńdeý ónerkásibinde shyǵarylǵan ónimniń 35 paıyzyn bergen.
«Inýdstrııalandyrý baǵdarlamasy bastalǵan 2010 jyldan beri 9 trln teńgeden astam aqsha tústi. 212 myń jańa jumys orny ashyldy. Byltyr jalpy óńdeý ónerkásibinde 13 trln teńgeniń ótaýary óndirilse, sonyń 35 paıyzy, ıaǵnı 4,6 trln teńgesi Indýstrııalandyrý baǵdarlamasy sheńberinde iske asyrylǵan jobalardyń úlesine keledi», - dedi komıtet tóraǵasy.
