Indýstrııalandyrý arqasynda kásiporyndar tóleıtin salyq 3 ese kóbeıgen
NUR-SULTAN. QazAqparat - 2019 jyly ındýstrııalandyrý baǵdarlamasynyń ekinshi besjyldyǵyn iske asyrý aıaqtaldy. Bul týraly QR Indýstrııa jáne ınfraqurylymdyq damý mınıstrliginiń keńeıtilgen alqa májilisinde aıtyldy, dep habarlaıdy QazAqparat tilshisi.
«Indýstrııalandyrýdyń ekinshi besjyldyǵyn júzege asyrý jyldary óńdeýshi ónerkásip oryndary 45 trln teńgeniń ónimin óndirdi. 2019 jyldyń qorytyndysy boıynsha 11,2 trln. teńgeniń ónimi óndirildi», - deıdi QR Indýstrııa jáne ınfraqurylymdy damytý vıtse-mınıstri Amanııaz Erjanov.
Onyń aıtýynsha, óńdeýshi ónerkásip ekonomıkanyń damýyna úlken úles qosady.
«Máselen, ındýstrııalandyrý jyldarynda sektor kásiporyndarynan túsken salyq 3 esege jýyq artty. 2009 jyly - 450 mlrd teńge bolsa, 2019 jyly - 1 482 mlrd teńgege deıin ósti», - deıdi ol.
