Indýstrııa jáne jańa tehnologııalar vıtse-mınıstri Albert Raý bastaǵan qazaqstandyq delegatsııa GFR-ǵa attandy
Bul týraly QazAqparat mınıstrliktiń baspasóz qyzmetine silteme jasap habarlaıdy.
Berlınge sapary barysynda qazaqstandyq delegatsııa GFR isker toptarymen kezdesýdi josparlap otyr. Atap aıtqanda, delegatsııa quramy nemis ekonomıkasynyń Shyǵys komıtetiniń atqarýshy dırektory Raıner Lındermen, sondaı-aq Shyǵys jáne Ortalyq Eýropa elderimen yntymaqtasatyn GFR Kásipkerler qaýymdastyǵymen jáne Germanııa Mashına jasaý qaýymdastyǵymen kezdesýleri kútiledi.
Bundaı júzdesýler barysynda qazaqstandyq delegatsııa basshysy elimizdiń Údemeli ındýstrııalyq-ınnovatsııalyq damý baǵdarlamasymen tanystyrýdy josparlap otyr. Budan bólek, sapar barysynda Germanııa tarapyn Kedendik odaqtyń qurylýyna qatysty sheteldik ınvestorlarǵa ashylatyn múmkindikter týraly aqparattandyrý sharalary da kózdeledi. Sonymen birge, eki jaqty kezdesýler barysynda energetıka, mashına jasaý, jańa tehnologııalar, hımııa, qorǵanys jáne taý-ken óndirisine qatysty salalar boıynsha yntymaqtasý perspektıvalaryn talqylaý josparlanady.
