Indýstrııa mınıstrligi talaptarǵa saı kelmeıtin 195 mln.-ǵa jýyq teńgeniń munaı ónimderin satýǵa tyıym saldy
ASTANA. 14 qyrkúıek. QazAqparat - Aǵymdaǵy jyldyń 8 aıynda Indýstrııa jáne jańa tehnologııalar mınıstrligi
Tehnıkalyq retteý jáne metrologııa komıtetiniń aýmaqtyq bólimshelerimen elimizdegi munaı ónimderin satatyn 102 kásiporynǵa tekserý júrgizdi. Tekseristiń barysynda zań buzýshylyqtyń 49 jaǵdaıy anyqtaldy. Bul týraly vedomstvonyń baspasóz qyzmetinen habarlandy.
«Tekserý qorytyndysyna oraı, 138 mln. 987 myń 896 teńgeni quraıtyn ónimderdiń 89 partııasyn satýǵa tyıym salyndy. Olar negizinen sáıkestik sertıfıkatynsyz, sondaı-aq tehnıkalyq reglamentter talaptaryna saı kelmeıdi dep tanylǵan. Zań buzýshylarǵa 2 mln. 845 myń teńge shamasynda aıyppul salyndy», - delingen baspasóz aıǵaǵynda.
Sonymen qatar, janarmaı quıý stansylaryn tekserý barysynda da ónimniń sapasyzdyǵyna qatysty máseleler belgili bolǵan. Osyndaı, maı quıý stansylaryn tekserý barysynda 55 mln. 941 myń 473 teńgeniń munaı ónimderin satýǵa tyıym salyndy.
