Indýstrııa mınıstrligi Shubarkól kómiriniń Qyrǵyzstanǵa eksporty týraly túsinik berdi
«Shubarkól Kómir» AQ jyldyq kelisimshart negizinde Qyrǵyzstan kásiporyndaryna kómir jetkizedi.
«Aǵymdaǵy jyldyń aqpan-naýryz aılarynda Bishkek JEO-na 80 myń tonna kómir jetkizildi, al «Altyn korporatsııa» jáne «Gefest» kompanııalaryna 190 myń tonna kóleminde kómir jóneltildi. Ótken jyldyń 10 aıynda Qyrǵyzstanǵa 404 myń tonna kómir jetkizildi. Bıyl otandyq naryqtaǵy kómirge degen suranystyń artýyna baılanysty Qyrǵyzstan baǵytyndaǵy kólem qysqaryp, 270 myń tonnany qurady, ıaǵnı 134 myń tonnaǵa az jetkizildi. «Shubakól Kómir» AQ-nyń aqparaty boıynsha, birinshi kezekte kómirmen qazaqstandyq naryq qamtamasyz etiledi», - delingen mınıstrlik baspasóz qyzmetiniń málimetinde.
Osy oraıda Qyrǵyzstan baǵytynda kompanııa artyq qalǵan kómirdi jetkizý boıynsha ǵana jumys isteıdi.
«Budan bólek, bıyl Qyrǵyzstanǵa josparlanǵan kólemniń jartysy eksporttaldy. Osyndaı úlgi boıynsha kompanııa kelesi jyly da jumys isteıtin bolady. BAQ-da kóterilgen kelisim týraly aıtatyn bolsaq, mundaı kelisim jyl saıyn jasalady. Atalmysh kelisim 2021 jyldyń mamyr aıynda uzartylǵanyn habarlaımyz. Osy jyly Kelisimde kózdelgen kólemniń ulǵaıýy kútilmeıdi», - dep atalyp ótken vedomstvo aqparatynda.
Aıta keteıik, buqaralyq aqparat quraldarynda Qazaqstannan Qyrǵyzstan baǵytynda «Shubarkól» kómirin jetkizý kólemi ulǵaıtylatyny týraly habarlanǵan edi.