Indýstrııa mınıstrligi sheneýniginiń ústinen tergeý bastaldy

NUR-SULTAN. QazAqparat - QR Indýstrııa jáne Infraqurylymdyq damý mınıstrligi Qurylys jáne turǵyn úı-kommýnaldyq sharýashylyq isteri komıtetine qarasty Memlekettik sáýlet-qurylys baqylaý basqarmasynyń basshysyna qatysty sotqa deıingi tergeý amaldary bastaldy. Bul jaıynda QR Sybaılas jemqorlyqqa qarsy is-qımyl agenttigi málim etti, dep habarlaıdy QazAqparat tilshisi.

Vedomstvo málimetinshe, oǵan Nur-Sultan, Almaty, Aqtóbe, Petropavl, Taraz qalalaryndaǵy kompanııalardyń basshylarynan tehnıkalyq qadaǵalaýdyń ınjınırıng qyzmetterin júzege asyrý boıynsha akkredıtatsııa bergeni úshin 8 mln teńgeden astam para aldy dep kúdiktelip otyr.

«Kúdikti ustalyp, Nur-Sultan qalalyq polıtsııa departamentiniń ýaqytsha oqshaýlaǵyshyna qamaldy. Qamaýǵa alý túrindegi bultartaý sharasyn tańdaý máselesi sheshilip jatyr. Kúdiktige qatysty sońǵy úkimdi onyń kináliligin anyqtaı otyryp, sot shyǵaratyn bolady», - dep atap ótti agenttik qkilderi. Aıta keterligi, 2018 jyly dál osy basqarmanyń burynǵy basshysy Qarqynbaevqa da para alǵany úshin 10 mln teńge kóleminde aıyppul salynǵan edi.