Indýstrııa mınıstri sý burý júıelerin avtomattandyrýdy usyndy

ASTANA. QazAqparat – Indýstrııa jáne ınfraqurylymdyq damý mınıstri Marat Qarabaev Úkimet otyrysynda sý burý júıelerin avtomattandyrýdy usyndy, dep habarlaıdy QazAqparat tilshisi.

«Turǵyn úı-kommýnaldyq ınfraqurylymdy damytý» tujyrymdamasy sheńberinde sýmen jabdyqtaý, sý burý júıeleriniń óndiristik protsesterin avtomattandyrýdy júrgizýdi usynamyz.
Demek, sý arnalaryn búkil óndiristik protsessterdegi sý resýrstaryn esepke alýdyń tolyq keshenimen qamtamasyz etý kózdelýde.
Ol úshin sýmen jabdyqtaý jáne sý burý júıeleriniń gıdromodelin jasaý úshin barlyq óndiristik ýchaskelerde sý esepteý quraldaryn ornatý qajet.
Avtomattandyrý sý arnasynyń aldaǵy shyǵyndaryn, sondaı-aq damýdyń ońtaıly modelderin qurý esebinen sýmen jabdyqtaý jáne sý burý júıelerin salý men rekonstrýktsııalaýǵa baǵyttalǵan memlekettik bıýdjetti ońtaılandyrýǵa múmkindik beredi», - dedi ol.
Aıtýynsha, respýblıkalyq mańyzy bar qalalar men oblys ortalyqtarynda atalǵan jumystardy júrgizý úshin shamamen 25 mlrd teńge qajet.
«Sol arqyly sýdyń kommertsııalyq jáne tehnıkalyq shyǵynyn 15-40% tómendetý, ınvestıtsııalyq shyǵyndardy 10-15% ońtaılandyrý, elektr energııasyna jumsalatyn shyǵyndardy 15-20% qysqartý, jelilerdiń apattylyq deńgeıin 30-50% tómendetý kózdelip otyr.
«Búgingi tańda jergilikti atqarýshy organdar jobalaý-smetalyq qujattamany ázirleýge jergilikti bıýdjetten qarajat qarastyrýdy jáne saraptama qorytyndysyn alǵannan keıin odan ári qarjylandyrý úshin bıýdjettik ótinim berýi qajet», - dedi Marat Qarabaev.