Indýstrııa mınıstri elorda mektebinde ashyq sabaq ótkizdi

NUR-SULTAN. QazAqparat – Indýstrııa jáne ınfraqurylymdyq damý mınıstri Roman Sklıar Nur-Sultandaǵy №31 mekteptegi saltanatty sharaǵa qatysyp, oqýshylar men ustazdarǵa jańa oqý jylynda sáttilik tiledi, dep habarlaıdy QazAqparat tilshisi.

«Mektep kezeńi - adam ómirindegi eń qyzyqty shaq. Mektep sizderdiń barlyq talanttaryńyzdy barynsha ashyp, jańa daǵdylardy ushtaýǵa kómektesedi. Búgin, mektep tabaldyryǵyn birinshi ret eń kishkentaı oqýshylar - birinshi synyptyń búldirshinderi attady. 317 bala partaǵa otyryp, ózderiniń alǵashqy oqýlyqtaryn qoldaryna alyp, ártúrli ǵylymy bar, qyzyqty kezdesýler men jarqyn jańalyqtarǵa toly bilim álemi atty qyzyqty saıahatqa shyqty. Sondaı-aq, osy oqý jyly 73 túlek úshin de erekshe bolmaq, olar da bir kezderi mektepke alǵash ret barǵan edi. Biraq eresek ómirdiń tabaldyryǵynda tur», - dep atap ótti vedomstvo basshysy óz sózinde.

Mınıstr joǵary tehnologııalary damyǵan qazirgi zamanda ár adam árdaıym jetilý ústinde ekenin atap ótti. Tek qajyrly eńbek qana HHІ ǵasyrda jas órendi shyńǵa jeteleıtini anyq.

«Mektepte jańa úmitter men oılar týady. Jas júrek dáriger, muǵalim, baǵdarlamashy, úlken sýretshi nemese Olımpıada chempıony bolýdy armandaıdy. Siz oılaýǵa, týyndaǵan máselelerdi óz betinshe sheshýge, ıntellektýaldy jáne rýhanı baı tulǵa bolýǵa úırenýińiz kerek. Sizderge oqýda tabandylyq, bilimpazdyq, maqsatqa jetýde jigerlik tileımin. Qurmetti ustazdar, sizderdiń qajyrly eńbekterińiz úshin zor rızashylyǵymdy bildiremin», - dep atap ótti Roman Sklıar.

Saltanatty jıynǵa qatysqannan keıin Indýstrııa jáne ınfraqurylymdyq damý mınıstri oqýshylarǵa arnap «Sanaly urpaq – jarqyn bolashaq» taqyrybynda ashyq sabaq ótkizdi. Onyń barysynda Roman Sklıar qazaqstandyq patrıotızmge tárbıeleý, dostyqqa baýlý, álemdik aýqymdaǵy bizdiń eldiń róli týraly sóz qozǵady.