Indýstrıalızatsııa kúni aıasynda Pavlodarda qospaly alıýmınıı óndirisi iske qosylady
ASTANA. QazAqparat - Pavlodarda 6-jeltoqsan kúni qospaly alıýmınıı óndirisi boıynsha kásiporyn iske qosylady, dep habarlaıdy pavlodarnews.kz.
2017 jyldyń sońyna deıin qoldanysqa beriletin kásiporyndardyń tizimin oblys ákimdiginiń keńeıtilgen otyrysynda ındýstrııaldyq-ınnovatsııalyq damý basqarmasynyń basshysy Nurbolat Seıtmaǵambetov jarııalady.
«Tik jikti bolat qubyrlarynyń óndirisi úshin «DANıER» JShS-ne qajet jabdyqtyń 100 paıyzy jetkizilgen», - deıdi vedomstvo basshysy.
Onyń sózinshe, qazirgi tańda retteý jumystary júrgizilýde. Jeltoqsan aıynda «Eýroazııattyq energetıkalyq korporatsııasy» AQ-da tsıkldy-aǵymdy keshenin arshý sharasy engiziledi. Shamamen bir aıdan keıin Shiderti kentinde «Alef trade» JShS qysqy dızel otynyn óndirý zaýytynda alǵashqy ónimdi alý josparlanyp otyr. Jyldyń sońyna deıin iske qosylýy tıis ekinshi joba - «K&K» kompanııasy Krasnoıar tobynyń avlıýmınıı avtomobıl dıskilerin shyǵarý. Kestege sáıkes qarasha aıynda jabdyqtaý jáne retteý jumystary bastalady. Budan basqa, 6-jeltoqsan kúni Indrýstrıalızatsııa kúnine oraı «Guissenhaus» JShS-nyń jáne Pavlodar munaı-hımııa zaýytynyń jańǵyrtý boıynsha jobasy iske qosylady. Agroóndiristik keshenge keletin bolsaq, óńirde jeti gektar jylyjaı iske qosylǵan. Onyń beseýi - Ekibastuzda, ekeýi - Aqsýda. Bul jylyjaı keshenderinde kóshetter otyrǵyzylǵan jáne jyldyń sońyna deıin ónim alý kózdelip otyr.
