Indýstrıaldyq forým aıasynda 6 nysan paıdalanýǵa berilip, 4 jobanyń qurylysy bastalady
Ulttyq telekópir pishinindegi forým aıasynda el óńirlerimen jumys keńesi ótip, onda QR Úkimeti Memleket basshysy aldynda ÚIID baǵdarlamasynyń iske asyrylýy týraly esep beredi. Sonymen qatar onlaın-rejimde óńirlerde salynǵan 6 nysan paıdalanýǵa berilip, 4 jobanyń qurylysy bastalady.
Aıta keterligi, forým aıasynda «Qazaqstandyq ónimdi satyp al» atty otandyq taýar óndirýshilerdiń ónimderiniń kórmesi ótedi. Onda shamamen 250 kásiporyn ónimniń 700 túrin usynady. Sondaı-aq kórme aıasynda qazaqstandyq qamtýdy damytý maqsatynda ulttyq kompanııalar men otandyq óndirýshiler arasynda uzaq merzimdi sharttar men memorandýmǵa qol qoıylatyn bolady. Jalpy somasy 15 mlrd. teńgeni quraıtyn 48 qujat rásimdeledi.
Esterińizge sala keteıik, Údemeli ındýstrıaldy-ınnovatsııalyq damý memlekettik baǵdarlamasy aıasynda eki jarym jyldyń ishinde 443 jańa óndiris orny ashyldy. Aldyn ala derekter boıynsha tek ótken 6 aı ishinde ǵana Indýstrııalandyrý kartasynyń barlyq kásiporyndary 300 mlrd. teńgeniń ónimin shyǵardy.
