inDrive rýli oń jaqtaǵy avtokólikterdi tapsyrystan shettetedi
ASTANA. KAZINFORM – Kólik mınıstri Marat Qarabaev inDrive servısiniń negizin qalaýshy Arsen Tomskıımen kezdesti. Mınıstr jolaýshylar tasymalynyń qaýipsizdigin qamtamasyz etý jáne básekege qabiletti naryq qurý qajettigin atap ótti.
Bıyl maýsymnyń basynda inDrive, Kólik mınıstrligi jáne Іshki ister mınıstrligi arasynda úshjaqty memorandýmǵa qol qoıyldy. inDrive basshysynyń aqparatyna sáıkes, memorandým aıasynda qala ishindegi jáne qalaaralyq tasymaldarda qaýipsizdikti arttyrý boıynsha birqatar is-shara júrgizilip jatyr.
Platformanyń júzdegen júrgizýshisi jol qaýipsizdigi erejeleri men qyzmet kórsetý sapasyn arttyrý boıynsha oqýdan ótti. Sonymen qatar tamyz aıynyń basynda «Almaty-Qonaev» tas jolynyń qaýipti ýchaskelerinde jol qaýipsizdigi erejelerin saqtaý taqyrybyna bılbordtar ornalastyryldy. Kezdesý barysynda platforma ókili jol qaýipsizdigin arttyrý baǵyttaǵy jumysty jalǵastyrýǵa jáne qyzmet kórsetý sapasyn jaqsartýǵa nıetti ekenin aıtty.
Sondaı-aq inDrive, Kólik mınıstrligi jáne Іshki ister mınıstrligi arasynda jyldamdyq rejımi boıynsha derekter almasý máselesi talqylandy.
Mınıstr taksomotorlyq tasymaldarda qaýipsizdikti qamtamasyz etýge baǵyttalǵan birlesken jumystyń qajet ekenin atap ótti:
- júrgizýshi jolǵa shyǵar aldynda medıtsınalyq kýálandyrýdan ótýi kerek, eńbek jáne demalys kestesin jáne jyldamdyq rejımin saqtaýy tıis;
- taksomotorlyq tasymaldarǵa tartylǵan avtokólik mindetti túrde Qazaqstanda tirkelip, jylyna eki ret tehnıkalyq baıqaýdan ótýi tıis.
Memorandýmǵa sáıkes, qujattardy qaıta tekserýdi, fotobaqylaýdy jáne sheteldik tirkeýi bar avtomobılderdiń qujattaryn tekserýdi qosa alǵanda, róli oń jaqta ornalasqan avtomobılderdi anyqtaý jáne júıeden shyǵarý boıynsha arnaıy sharalar júrgiziledi. Zańnama talaptaryna sáıkes kelmegen jaǵdaıda júrgizýshilerge 2025 jylǵy 1 qańtardan bastap habarlama jiberiledi jáne inDrive qosymshasynan ajyratylady.
Sondaı-aq Kólik komıteti men inDrive derekteri negizinde avtomobıl modeline, róldi basqarý túrine baılanysty jol-kólik oqıǵalary boıynsha statıstıkalyq derekterge birlesken taldaý júrgiziledi. Taldaý jolaýshylardy tasymaldaý úshin róli oń jaqta ornalasqan avtomobılderdiń qaýipsizdigin neǵurlym tolyq ári obektıvti baǵalaýǵa múmkindik beredi. Sonymen qatar qoldanýshylardyń pikiri men Іshki ister mınıstrliginiń zań buzýshylyqtar týraly málimetter negizinde erejelerdi únemi buzatyn júrgizýshiler tapsyrystardy oryndaýdan ýaqytsha nemese birjola shettetilýi múmkin.
«Biz úshin basty qaǵıda – qoldanýshylardyń qaýipsizdigi. 2024 jyldyń ekinshi toqsanynyń sońyna deıin biz múgedektigi bar jandarǵa arnalǵan jeke qajettilikter men balalar oryndyǵynyń bolýy qajettigi týraly habarlaýǵa múmkindik beretin qosymsha fýnktsıonaldy engizýdi josparlap otyrmyz. Bizdiń platformanyń júrgizýshi seriktesteri úshin jol qozǵalysy erejelerin saqtaý, jolaýshylarmen qarym-qatynas erejeleri jáne aqparatty barynsha taratý maqsatynda júldeler utyp alý múmkindik beretin qala aralyq tasjoldarda qaýipsizdik erejeleri taqyrybynda onlaın jáne oflaın trenıngter ótkiziledi», - dedi qalaaralyq inDrive basshysy Borıs Hvan.
Odan bólek, qosymshany qoldanýshylardy qulaǵdar etý maqsatynda Tótenshe jaǵdaılar mınıstrliginiń tas joldardaǵy jol qozǵalysy týraly, kóliktiń tehnıkalyq jaı-kúıin tekserý jáne qaýipsizdik beldigin taǵý qajettigi týraly avtomatty habardar etý júıesi iske qosylady.
Sondaı-aq júrgizýshilerge kólikti aıdaý jyldamdyǵyn belgilengen kórsetkishten joǵarylatpaý jáne agressıvti júrgizbeý kerektigi eskertiledi.
