Indorhokkeıden Qazaqstan quramasy Azııa kýbogynan tabysty oraldy

QYZYLORDA. QazAqparat - Taılandtyń Chonbýrı qalasynda ındorhokkeı (zaldaǵy hokkeı) sportynan Azııa kýbogynda elimizdiń qyzdar jáne jigitter quramasy tabysty oraldy, dep habarlaıdy QazAqparat tilshisi.

Azııa kýbogynda el quramasy sapynda qyzylordalyq sportshylar sany basym boldy. Qurama sapynda qyzdarda Gýzal Bahavaddın men Alısa Chepkasova, jigitter arasynda Nurhan Sansyzbaev, Baqytbek Sərsenbaıuly jəne Dəýletbek Əlıev syndy sańlaqtar oıyn kórsetti.

Azııa kýbogynda Qazaqstan qyzdar quramasy altynnan alqa taqty. Ekinshi oryn Taıland hokkeıshilerine buıyrsa, úzdik úshtikti Ózbekstan quramasy túıindedi. Jigitter arasynda bizdiń qurama ekinshi oryn alsa, kýbok Iran hokkeıshilerine buıyrdy. Malaızııa quramasy úzdik úshtikke turaqtady.

Aıta keterligi, eki qurama jartylaı fınalda Malaızııany orta jolda qaldyrdy. Olardan qyzdar 2:1, jigitter 4:3 esebimen basym tústi. Qyzdar fınalda Taılandty tize búktirse, jigitter Iranǵa jol berip qoıdy.

Alda kógaldaǵy hokkeıden mańyzdy jarystar kútip tur. Endi 1-10 tamyz aralyǵynda Taldyqorǵanda elimizdiń jazǵy spartakıadasy ótkiziledi. Al 31 tamyz - 6 qyrkúıekte sol qalada Ortalyq Azııa kýbogy jalaýyn kóteredi.

Qyzylordada kógaldaǵy hokkeıden «Qaısar» sport klýby bar. Oǵan QR eńbek sińirgen jattyqtyrýshysy Sultanbek Qoblandın jetekshilik etedi.