Indorhokkeıden Qazaqstan erler quramasy Azııa kýbogynda qola júldege talasady
ASTANA. KAZINFORM — Indorhokkeıden Qazaqstan erler quramasy Taldyqorǵan qalasynda ótip jatqan Azııa kýbogynda qola júldege talasady.
Qazaqstandyq hokkeıshiler pleı-off satysyndaǵy ekinshi oıynda Taılandtan 9:2 esebimen basym tústi.
Al budan buryn Iranǵa 3:5 esebimen jol bergen edi.
Nátıjesinde olar 3-oryn úshin synǵa túsetin boldy.
Al fınalda Iran men Taıland sheberlik baıqasady.
Endi 25 mamyrda fınal men 3-oryn úshin oıyndar bolady.
Qazaqstandyq hokkeıshiler V tobynda Indonezııany 6:2, Omandy 4:0 esebimen tize búktirse, Malaızııamen 3:3 esebimen teń oınady.
Elimizdiń erler quramasy Azııa kýbogynda 2015, 2017, 2019 jyldarda kúmis júldeger bolsa, 2014, 2022 jyldarda qola medalǵa qol sozdy.
Eske salsaq, budan buryn ındorhokkeıden Azııa kýbogynda Qazaqstan áıelder quramasy kúmis aldy.
