Indorhokkeıden Azııa kýbogynda Qazaqstan quramasy kúmis aldy

ASTANA. KAZINFORM - Jabyq ǵımarattaǵy kógaldaǵy hokkeıden (ındorhokkeı) Qazaqstan áıelder quramasy Azııa kýbogynda kúmis júldeger atandy.

Dúbirli doda Taılandtyń Chonbýrı qalasynda ótti.

Qazaqstandyq hokkeıshiler fınalda Taıland quramasynan 2:6 esebimen jeńilip qaldy.

Azııa kýbogynda Qazaqstan quramasy toptyq kezeńde A tobynda synǵa tústi. Jarys barysynda Vetnamdy 28:0, Malaızııany 5:1, Omandy 8:0, Irandy 5:1 esebimen tize búktirdi.

Odan keıin jartylaı fınalda Indonezııamen negizgi kezeńde 3:3 esebimen teń túsip, býllıtte qazaqstandyq hokkeıshiler jeńiske jetti. Osylaısha fınalǵa joldama aldy.

Azııa kýbogynda úshinshi orynǵa Malaızııa quramasy ıe boldy. Olar qola júlde úshin kezdesýde Indonezııadan 4:0 esebimen basym tústi.

Endi 21-25 mamyr aralyǵynda Taldyqorǵan qalasynda erler arasynda Azııa kýbogy jalaýyn kóteredi.

Indorhokkeıden elimizdiń áıelder quramasy 2010, 2012, 2014, 2015, 2017, 2019 jyldarda alty márte chempıon atansa, 2009, 2024 jyldarda ekinshi orynǵa jaıǵasty.