Indor hokkeıden qazaqstandyqtar taǵy jeńiske jetti

NUR-SULTAN. QazAqparat - Indor hokkeıden (jabyq ǵımarattaǵy hokkeı) elimizdiń erler jáne áıelder quramasy Azııa kýbogy oıyndarynda taǵy jeńiske jetti, dep habarlaıdy QazAqparat tilshisi.

Qazaqstan erler quramasy Taılandty 6:3 esebimen tize búktirdi.

Olar buǵan deıin Indonezııamen 4:4 esebimen teń túsip, Sıngapýrdy 6:1, Qytaı Taıbeıin 5:1 esebimen súrindirdi.

Endi olar 13 tamyzda Iranmen, 14 tamyzda Malaızııamen kezdesedi.

Al áıelder arasynda qazaqstandyq sportshylar Qytaı Taıbeıin 6:0 esebimen jeńdi.

Elimizdiń áıelder quramasy buǵan deıin Pákistannan 13:0, Irannan 5:2 esebimen basym tústi. Endi olar 12 tamyzda Indonezııamen sheberlik baıqasady.

Qurlyqtyq báseke Talandtyń Bangkok qalasynda 8 tamyz kúni bastaldy. Atalǵan týrnır 15 tamyzda máresine jetedi.