Indor hokkeıden Azııa kýbogynda qazaqstandyq eki qurama da jeńiske jetti
NUR-SULTAN. QazAqparat - Indor hokkeıden (jabyq ǵımarattaǵy hokkeı) elimizdiń erler jáne áıelder quramasy Azııa kýbogy oıyndarynda baq synap jatyr, dep habarlaıdy QazAqparat tilshisi.
Qurlyqtyq báseke Talandtyń Bangkok qalasynda 8 tamyz kúni bastaldy. Atalǵan týrnır 15 tamyzda máresine jetedi.
Erler arasyndaǵy básekege barlyǵy 7 qurama keldi. Olardyń qatarynda Malaızııa, Iran, Taıland, Indonezııa, Qytaı Taıbeıi jáne Sıngapýr bar.
Qazirge deıin qazaqstandyq hokkeıshiler Indonezııamen 4:4 esebimen teń túsip, Sıngapýrdy 6:1, Qytaı Taıbeıin 5:1 esebimen súrindirdi.
Endi olar 11 tamyzda Taılandpen, 13 tamyzda Iranmen, 14 tamyzda Malaızııamen kezdesedi.
Týrnır kestesinde qazaqstandyqtar 7 upaımen ekinshi orynda tur. Kósh basynda 9 upaımen Malaızııa keledi.
Al áıelder arasyndaǵy týrnırge barlyǵy 9 qurama keldi. Quramalar eki topqa bólingen. A tobynda Qazaqstannan ózge Indonezııa, Qytaı Taıbeıi, Iran men Pákistan bar.
Qazirgi deıin qazaqstandyq sportshylar Pákistannan 13:0, Irannan 5:2 esebimen basym tústi. Endi olar 11 tamyzda Qytaı Taıbeıimen, 12 tamyzda Indonezııamen sheberlik baıqasady.
Qazaqstan áıelder quramasynyń enshisinde eki oıynnan keıin 6 upaı bar. Kósh basynda 9 upaımen Indonezııa hokkeıshileri tur.
Eske salsaq, búgin elordada spıdkýbıngten Azııa chempıonaty ótedi.
