Indonezııanyń Kólik mınıstrligi AirAsia kompanııasyn lıtsenzııasynan aıyrýy múmkin
ASTANA. QazAqparat - Indonezııanyń kólik mınıstrligi kelesi dúısenbiden bastap AirAsia áýe kompanııasynyń barlyq reısteriniń kestesin teksermekshi.
Bul týraly vedomstvonyń ókili Djoko Mýrjamodjo málimdedi, dep habarlaıdy TASS.
«Biz kompanııanyń barlyq reısteriniń kestesin teksermekshimiz. Dúısenbi kúni bastaımyz», - dedi ol Reıter agenttiginen. Ol sondaı-aq bul tekseristiń qorytyndylary boıynsha «AirAsia-nyń Indonezııada ushýǵa ruqsat beretin lıtsenzııasyn alyp qoıý múmkindigi de joqqa shyǵarylmaıtynyn» qosa aıtty.
Kompanııanyń basshysy Sýný Vıdıatmoko tilshilerge AirAsia-nyń ındonezııalyq bılik kózderine bul tekseristiń barysynda kómek kórsetetinin málimdedi.
