Indonezııanyń batysyndaǵy kómir shahtasynda bolǵan jarylystan toǵyz adam qaza tapty
DJAKARTA. QazAqparat – Juma kúni Indonezııanyń batysyndaǵy Batys Sýmatra provıntsııasyndaǵy kómir shahtasynda jarylys bolyp, toǵyz jumysshy qaza tapty.
Taǵy ekeýi jaralanyp, bireýi iz-túzsiz joǵalyp ketti, dep habarlaıdy QazAqparat Sınhýa agenttigine silteme jasap.
Jarylys jergilikti ýaqyt boıynsha saǵat 08:30 shamasynda Savahlýnto qalasynda ornalasqan shahtada boldy, dep habarlaǵan provıntsııanyń izdeý-qutqarý qyzmetiniń ókili Arıf Pratama.
Onyń aıtýynsha, jarylys saldarynan toǵyz adam qaza taýyp, jaralylar jaqyn mańdaǵy aýrýhanaǵa jetkizilgen.
Joǵalǵan adamdy tabý úshin izdestirý-qutqarý operatsııasy júrip jatyr, dep qosty ol.
Foto: shutterstock.com
