Indonezııanyń batysynda kóshkinnen 10 adam qaza tapty
DJAKARTA. Sınhýa - QazAqparat - Dúısenbi kúni Indonezııanyń batysynda Rıaý araly provıntsııasynda bolǵan kóshkinnen kem degende 10 adam qaza taýyp, taǵy birneshe adam iz-túzsiz joǵaldy.
Bul týraly qutqarý qyzmeti ókiliniń málimdemesinde aıtylǵan, dep habarlaıdy QazAqparat Qytaıdyń Sınhýa agentigine silteme jasap.
Natýna Rıdjensı aýdanyndaǵy tabıǵı apatqa nóser jaýyn-shashyn men topyraqtyń turaqsyzdyǵy sebep bolǵan. Bul týraly eldiń Tabıǵı apatpen kúres jónindegi ulttyq agenttiginiń ókili Abdýla Mýharı málim etti.
«Qurbandar sany artýy múmkin. Qazirgi ýaqytta máıitterge arnalǵan qapta 10 múrde jatyr», - dedi tabıǵı apatpen kúres provıntsııalyq qyzmeti tótenshe jaǵdaılar jónindegi qurylym basshysy.
Іzdeý-qutqarý jumystary áli jalǵasyp jatyr.
