Indonezııanyń altyn ken orynda kóshkin júrdi
NUR-SULTAN. QazAqparat - Indonezııanyń Batys Kalımantan provıntsııasyndaǵy altyn kenishinde kóshkin júrip, 20 jumysshy jer astynda qalyp qoıdy. Bul týraly Indonezııanyń qutqarý qyzmetiniń ókili Erık Sýbarıanto aıtty, dep habarlaıdy QazAqparat Sınhýa agenttigine silteme jasap.
Oqıǵa beısenbi kúni bolǵan, biraq qutqarýshylar bul týraly bir kúnnen keıin ǵana bilgen.
«Bizge juma kúni keshke aqparat kelip, dereý oqıǵa ornyna qutqarý qyzmetin jiberdik», - dedi E.Sýbarıanto.
«Jaýyn-shashynnyń kóp túsýine, shahtanyń shalǵaı ornalasýyna jáne kommýnıkatsııanyń nasharlyǵyna baılanysty qutqarý jumystary baıaý júrip jatyr. Shahta aımaǵyndaǵy jumystarǵa áskerıler, jergilikti tótenshe jaǵdaılar basqarmasynyń qyzmetkerleri men aýyl turǵyndary da jumyldyrylǵan», - dedi E. Sýbarıanto.
