Indonezııalyq ushaq apatqa ushyrady, bort ishindegi 54 adamnyń barlyǵy qaza tapty
ASTANA. QazAqparat - Indonezııalyq ushaq taýǵa soǵylyp, apatqa ushyrady, dep habarlaıdy Rıa Novostı Papýa provıntsııasynyń áýe kompanııasyna silteme jasap.
Buǵan deıin Papýa-Jańa Gvıneıa aýdanynda ishinde 54 adamy bar ındonezııalyq ushaq radar betinen joǵalyp ketkendigi habarlanǵan bolatyn.
Jergilikti bılik habarlaǵandaı, ushaq bortynda 49 adam, sonymen birge 5 ekıpaj múshesi bolǵan. BAQ olardyń barlyǵynyń qaza tapqanyn habarlaýda.
Buǵan deıin Ulttyq izdeý-qutqarý basqarmasynyń basshysy Bambang Sýlıstıo ushaqpen baılanys úzilgenin rastaǵan.
