Indonezııalyq túrmedegi órt: 5 adam qaza tapty
ASTANA. QazAqparat - Indonezııalyq Sýmatra aralyndaǵy túrmede jazasyn óteýshiler uıymdastyrǵan ot saldarynan eń kemi bes adam qaza tapty, dep habarlady Assoshıeıted Press agenttigi polıtsııaǵa silteme jasap.
Juma kúni quqyq qorǵaý organdary túrmeden krımınaldyq ortada bedeldi (aldyn ala boljam boıynsha esirtki saýdasyn baqylaǵan) áketken soń órt shyqty. Bılik jazasyn óteýshiler esirtki baronyn qoldaý maqsatynda túrmeni otqa orady dep sanaıdy.
Órt saldarynan bes adam qaza tapty, bir adam japa shekti. Temir tordyń ar jaǵynda jazasyn ótep jatqan 252 adam basqa túrmege aýystyryldy. Túzetý mekemesi qyzmetkerleriniń eshqaısysy zardap shekken joq.
