Indonezııalyq súńgýirler AirAsia ushaǵynyń «qara jáshigin» sýdan alyp shyǵýǵa kiristi
ASTANA. QazAqparat - Indonezııanyń áskerı-teńiz kúshteri súńgýirleriniń jasaǵy apatqa ushyraǵan AirAsia kompanııasy ushaǵynyń bortyndaǵy málimetterdi ózdiginen jazyp otyratyn quraldy sýdan alyp shyǵý áreketterine kiristi. Ótkizilgen izdeý jumystarynyń nátıjesinde «qara jáshiktiń» ıAva teńiziniń túbinde jatqany anyqtaldy, alaıda ony alyp shyǵýǵa áýe kemesiniń iri bóliginiń basyp qalýy kedergi bolýda.
Buǵan deıin habarlanǵandaı, súńgýirler «qara jáshikti» ushaq korpýsynyń astynan alyp shyǵýǵa tyrysady, eger bul áreketteri nátıjesiz bolsa, mamandar fıýzelıaj bóligin áýe ballondarynyń kómegimen kóterýge kirisedi.
Quraldaǵy jazbalardyń maǵynasyn ashýǵa eki aptadaı ýaqyt ketýi múmkin, al aldyn ala málimetterdi onyń korpýsy qatty zaqymdanbaǵan jaǵdaıda eki kúnnen keıin alýǵa bolady.
Sonymen birge, dál qandaı qural týraly áńgime bolyp otyrǵany da ázirge belgisiz: ushaqta eki túrli «qara jáshik» ornalasqan - onyń biri ekıpajdyń sózderin jazýǵa, al ekinshisi ushaq pen onyń ushýynyń barlyq parametrlerin tirkeýge arnalǵan, dep habarlaıdy TASS.
