Indonezııalyq hakerler 100-den astam avstralııalyq saıttardy buzdy
ASTANA. 5 qarasha. QazAqparat - «Anonymous» tobymen baılanysy bar ındonezııalyq hakerler Azııadaǵy tyńshylyq daý-damaıyna Avstralııanyń qatystylyǵyna oraı júzden astam avstralııalyq saıttarǵa shabýyl jasady. Bul týraly VVS habarlady.
Hakerler avstralııalyq kompanııalardyń saıttaryn buzyp, olardyń paraqshalaryna «Indonezııaǵa tyńshylyq jasaýdy doǵaryńdar» degen talaptaryn jazyp ketken. Sydney Morning Herald gazeti beısenbidegi jarııalymynda Azııadaǵy Kanberranyń dıplomatııalyq mıssııalary telefon baılanystary men elektrondyq kommýnıkatsııalardy tyńdaý úshin paıdalanylǵanyn habarlady. Óz kezeginde Avstralııa Syrtqy ister mınıstrligi bul habarlamaǵa túsinikteme berýden bas tartty. Ótken jumada tyńshylyq daý-damaıyna baılanysty avstralııalyq elshi Indonezııa Syrtqy ister mınıstrligine shaqyrtyldy. Budan buryn Qytaı men Indonezııa tarapy avstralııalyq elshilikter amerıkalyq arnaıy qyzmettermen aqparat jınaý úshin paıdalanylǵanyna narazylyqtaryn bildirgen edi.
