Indonezııadaǵy zilzaladan qaza tapqandar sany 387-ge jetti
DJAKARTA. QazAqparat - Indonezııanyń Lombok aralynda bolǵan zilzala saldarynan qaza tapqandardyń sany 387-ge jetip, zardap shekkender 13 myńnan asty. Bul týraly senbi kúni Apat saldaryn joıý agenttiginiń resmı ókili Sýtopo Nýgroho málim etti, dep habarlaıdy TASS The Straits Times-qa silteme jasap.
Sýtopo Nýgrohonyń aıtýynsha, «qaza tapqandardyń sany artýy múmkin, óıtkeni qutqarýshylar úıindilerdiń arasynan zardap shekkenderdi áli izdep jatyr». Resmı ókildiń sózine qaraǵanda, zilzala saldarynan 387 myńnan astam adam baspanasyn tastap ketýge májbúr bolǵan. Qazir aralda tótenshe jaǵdaı rejımi engizilgen. Sheneýnik, sondaı-aq azyq-túlik, dári-dármek jáne aýyr tehnıkanyń jetispeýshiligi saldarynan qurbandar sany artýy múmkin ekenin aıtyp, dabyl qaǵyp otyr.
Eýropa-Jerorta teńizi seısmologııa ortalyǵynyń aqparatyna qaraǵanda, 5 tamyz kúni Lombokta bolǵan qýatty jer dúmpýi 6,6 balǵa jetken. Jergilikti bılik ókilderi 7 baldyq jer silkinisi bolǵanyn aıtady. Dúmpýdiń epıtsentri Mataram qalasynan soltústik-shyǵysqa qaraı 49 shaqyrym jerde, al oshaǵy 10 km tereńdikte ornalasqan.
