Indonezııadaǵy jer silkinisinen qaza tapqandar sany 10-ǵa jetti, 13 myń adam evakýatsııalandy

DJAKARTA. Sınhýa – QazAqparat – Indonezııanyń batysyndaǵy Batys Sýmatra provıntsııasynda bolǵan 6,1 baldyq jer silkinisi saldarynan keminde 10 adam qaza taýyp, taǵy 13 myńǵa jýyq adam úılerin tastap ketýge májbúr boldy, dep habarlaıdy QazAqparat Sınhýa agenttigine silteme jasap.

«Qaza tapqandardyń sany 10-ǵa jetti, taǵy beseýi iz-túzsiz joǵaldy, - dedi Batys Sýmatra izdeý jáne qutqarý qyzmetiniń basshysy Oktavıanto.

Onyń aıtýynsha, izdestirý jumystaryna qalyń laı massasy, sondaı-aq jer silkinisi qaýii tóndirip tur.

Indonezııanyń meteorologııa, klımatologııa jáne geofızıka agenttiginiń málimetinshe, jer silkinisinen Pasaman jáne Pasaman Barat aýdandary eń kóp zardap shekken.

27 aqpandaǵy jaǵdaı boıynsha evakýatsııalanǵandar sany 13 myńǵa jetti, dep habarlaıdy Batys Sýmatra provıntsııasynyń Tabıǵı apattardy basqarý agenttiginiń jedel áreket etý bóliminiń basshysy Djýmaıdı. Qazirgi ýaqytta bosqyndar 35-ten astam evakýatsııalaý pýnktterine jetkizgen.

Zardap shekken aımaqtarǵa gýmanıtarlyq kómek kórsetilip jatyr.